HITZALDI-TAILERRA: BANAKETA- DIBORTZIO EGOERAK IKASTETXEETAN (euskaraz)

Gidaria: Alaitz Garmendia

Botere judizialaren kontseilu nagusiaren datuen arabera, 2014an 3.632 bikote banatu edo dibortziatu ziren Euskal Autonomi Erkidegoan. Bikote bakoitzak seme-alaba bat edo bi zituen kontuan hartzen badugu, Gipuzkoan haur asko dira gurasoen banaketa bizi dutenak.

Bikotekide ohiek aurkezten dituzten zailtasunek familiakide guztiengan eragiten du, batez ere seme-alabengan. Asko dira gurasoen banaketak seme-alabengan dituen ondorio negatiboak (jokaera arazoak, depresioa, arazo akademikoak, etab.)  aurkezten dituzten ikerketak. Batez ere, gurasoen arteko areriotasunak eta ez egokitzapenak eragin handia du seme-alaben ongizatean (Barber eta Demo, 2006; Koening, Kellas eta Manusov, 2003; McIntosh, 2003; Orgilés, Espada, Méndez eta García, 2008; Turner eta Kopiec, 2006).

Adostasunik gabeko dibortzio kasuetan edota guraso arteko konfliktua altua denean batez ere, hezkuntza zentroetako profesionalek euren betebeharrak betetzeko zailtasunekin aurkitzen dira (adb. Gurasoetako batekin harremanik ez, gurasoen kolaborazio falta, dudak prozesu legalari dagokionean).

Hitzaldi honen helburua banaketa edota dibortzio prozesuan aurkitzen diren familikideen prozesu psikologiko eta familiarrera hurbiltzean datza, gurasoekin lankidetza harremana eraikitzeko estrategia ezberdinen gogoeta bultzatuko delarik.