0-5Estimulazio goiztiarraHazieraHezkuntza

Haurrek erabakiak har al ditzakete? 3-6 urtekoak.

  

Haurrek erabakiak har al ditzakete? Gure 3tik 6rako umeek erabakiak bakarrik hartzen utzi behar al ditugu? Galdera honi emango diogun erantzun ohikoena zera da: erabaki eta adinaren arabera. Nabaria da 3tik 5-6 urterako haurrak ez daudela erabakiak hartzeko prestatuta eta guri dagokiguna (guraso edo tutoreei) beraiei gehien komeni zaiena zer den erabakitzea.

Hala ere, oso garrantzitsua da beraiei askatasun pixka bat utzi eta gu ere malguak izatea. Gure seme-alabek beraiengan eragina duten gauzei buruz iritzia eman dezakete. Hasieran esan dudan bezala, badakigu hainbat gauzei buruz ezingo dutela erabakirik hartu, baina pixka bat pentsatzen badugu, normalean beraien iritzia galdetzea ahazten dugu; hitz egitea bakarrik (eta guk entzun, noski) oso garrantzitsua da.

Erabaki txiki batzuk har ditzaten uzteak gure seme-alabengan bizipen positiboak sortzen ditu. Beraien gustu eta iritziak kontutan hartzen direla eta guk nahi bezala maneiatzen ditugun txotxongiloak ez direla sentitzea oso aberasgarria da.

Adin horretan dauden haurren gurasoak bagara, badakigu beraien “nia” autoafirnmatzeko eta berak nahi duena egiteko deseatzen dagoela. Ziurrenik, une honetan dauzkan kasketa eta haserre gehienak hortik datozela; gure planetan sartzen ez den beste zerbait egin nahi duelako. Batzuk beraientzako aukeratu dugun kamiseta edo praka batzuk jantzi nahi ez dutela hasten dira.

Haurrek erabaki txikiak hartzeko beta izatea oso garrantzitsua da, kontutan izanda noski, gu garela beraien segurtasuna eta ongizatea behatu behar dugunak. Zer gauza erabaki ditzaketen eta zer ez argi izateak, noiz, non eta nola adibidez ,zenbait gauzetan erabakia hartzeko gaitasuna ematea erraztuko digu.

Argi izan behar dugu:

  • Zer gauza erabaki ditzaketen eta zer ez. Adibidez, ez da negoziagarria: lo egiteko ordua, eskolara joan edo ez, jatorduetako ohiturak eta errutinak, bainuak eta beste garbiketa neurri batzuk (eskuak edo hortzak garbitzea), edo beraien osasuna arriskuan jar ditzaketen gauzak.

  • Aukerak zehaztu. Janariaren gainean erabakiak hartzen uzten badiegu, oso garrantzitsua da aukera desberdinak aurretik pentsatuta izatea. Adibidez: zer nahi duzu postre bezala, fruta edo jogurta?

  • Askatasuna eman ezarritako muga argien barruan. Posible da gure umeek egun horretarako erabaki dugun arropa jantzi nahi ez izatea, beraz, aukera oso arraroa ez bada, nahi dutena janzten utz diezaiekegu.

  • Erabaki nahi ez badute, ez behartu horretara.

  • Ez ema aukeratzeko gehiegi eta ez utzi dena beraien eskutan. Pentsa dezagun txikiak edo oso txikiak direla oraindik eta gauza guztietan erabakia hartu nahi izateak saturatu ditzakeela. Ez daude horretara ohituta eta gure laguntza behar dute handiak egiteko bide honetan. Poliki-poliki. Ez ditzagun estutu  ez gainkargatu uneoro erabakiak hartu behar dituztela esanez.

Hazi daitezen libreki, beraien ‘ni’a osoki garatu dadila eta entzun diezaiegun zer esan nahi diguten. Gogoan izan bere iritziak, gustuak eta erabakiak gure familiaren parte direla. Izan dezagun kontutan.
 
Itzulpena: TTiKLiK! taldea

 

etiketak

Related Articles

Utzi erantzuna

This site uses Akismet to reduce spam. Learn how your comment data is processed.

Back to top button
Close