TTiKLiK!

Gure alabak arrazoi…

 

Atzo BUBER sarietako finalera joan ginen; bagenekien ez geneukala saria, aipatuta geunden kategorian ez bait genuen behar bezain ondo ‘enkajatzen’.

Horrela joateak badu alde on bat, batez ere nerbioak kontrolpean izatearena.

Amaitu zenean, nire alaba zaharrenak zera esan zidan: ‘ama, zertarako nahi duzu BUBER bat, etxean badaukagu eta bat?’ (2011.urtean bere aitak jasoa, www.lasterketak.com-engatik).

Arrazoia dauka gure Maritxinparta txikiak, zertarako nahi ditugu guk sariak? Zertarako behar ditugu honelako errekonozimenduak?

Guk argi daukagu, egunero-egunero saritua dela gure proiektu hau. www.ttiklik.com-ek jasotzen dituen bisita eta esker-mezuei begiratzea besterik ez daukagu. Jendeari baliabideak emanez laguntzea da gure helburua eta pixkanaka hori lortzen ari garela ikusteak gramotan neurtu daitekeen estatua txiki batek baino gehiago balio du (hala ere, politte izango zan beste bat etzean izatea…eta batek daki, agian hurrengo urtean…).

Gure ondoan zaudeten, izan zaituztegun eta izango zaretenei mila esker!

Gaurkoa ere ez da egun lasaia izango, hainbatentzako ezinbesteko bihurtu diren liburu horien idazlea izango degulako Beasainen; Carlos Gonzalez pediatra handiari entzun eta galderak egiteko aukera izango dugulako. Igartza Jauregia txiki geratu zaigu azkenean, aforoa topera bete dugu eta jendea kanpoan utzi beharra ere izan dugu.

Beste alde batetik, asteazkenean Goierri Telebistan izan ginen proiektu zoragarri bati buruz hitz egiten; ezin dizuegu gehiegi kontatu baina argazkitxo bat utz dezakegu…

GITB irratian

 

Gaur idaztera animatu garela, ezin ditugu zoriondu gabe utzi gure JOSTEN ETA SORTZEN IKASTEKO TAILERRERA datozen jostun eder hauek, Santaluzi eguna izanda nola ba beraietaz ahaztu…ZORIONAK!

 IMG_5955 IMG_5957 IMG_5958 IMG_5963IMG_6144 IMG_6145 IMG_6146 IMG_6147

 

 

 

etiketak

Related Articles

Utzi erantzuna

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

Back to top button
Close