hasiera

TTIKLIK! IDAZLAN LABURREN LEHIAKETAk, 2013. urtean du bere sorrera. Urte horretan bete bait ziren 15 urte gure GURASOAK auto-istripuz joan zirela. Galdu genituen guraso horiei, eta beste guraso guztiei omenaldia egiteko asmotan, idazlan laburren lehiaketa honi ‘GURASOEI GUTUNA’ izena jarri zitzaion.

Lehiaketa honen helburua, bakoitzak bere gurasoei esan nahi dizkien hitzak gutun laburren bidez adierazteko aukera ematea da. 7 urtetik hasita muga gabeko jende guztia animatu nahi dugu idaztera. 0tik 6ra bitarteko haurrak ere, marrazkien bidez, GURASOEI esan nahi dietena espresatzeko aukera irekia dute.

ESKURATU LIBURUA:

informazio gehiago: HEMEN

AURREKO EDIZIOAK:

⭐ V. TTIKLIK! IDAZLAN LABURREN LEHIAKETA

⭐ IV. TTIKLIK! IDAZLAN LABURREN LEHIAKETA

⭐ III. TTIKLIK! IDAZLAN LABURREN LEHIAKETA

⭐ II. TTIKLIK! IDAZLAN LABURREN LEHIAKETA

⭐ I. TTIKLIK! IDAZLAN LABURREN LEHIAKETA

⭐ Mari Karmen Odriozolaren gutuna, 2014ko irabazlea #gurasoeigutuna

⭐ GURASOEI GUTUNA OLERKITAN. Andoni Salamero.

GUTTUNAK BIDALTZEKO EPEA, IRAILAREN 15ETIK AZAROAREN 10ERA.

Oinarriak: HEMEN

“Badira mila gauza buruan bueltaka ditudanak, mila eta bat agian… ez dakit gutun batean denak kabituko ote zaizkidan, baina saiatuko naiz.

Ondo baitakit, barruan ditudan mila eta bat gauza horiek ateratzen ez baditut ez dudala nire barruan bakerik izango.”

Barruko korapiloa askatzeak zenbat gauza on ekarriko dizkigun badakigunez, zuek ere gauza bera egitera animatu nahi zaituztegu.

Zergatik ez idatzi paper batean gurasoei esan nahi diegun hori? Esatera ausartzen ez garen hitz horiek?


ez dira gauz danak eskutitz batean kabitzen… baino bat baino gehiago idatzi daiteke… edo bat idatzi eta esan nahi denaren zatitxo bat atera… zoragarria da nola transformatu dezun min egiten dizun zerbait, pertsona askori lagun diezaiokeen zerbaitetan…


Ama, orain aste batzuk, nire mundu ilunegi honetan nengoela, lagun bat egin nuen, niri eta ni bezalaxe amarik gabe geratu diren umetxo guztiei laguntzeko prest dagoen lagun bat: Itxaro. Iratxo bat dirudi, mundu ilunegietan bizi direnei itxaropena ematen dioten iratxo berezi horietako bat. Berak ere ama oso gazte galdu zuela kontatu zidan, berarekiko zuen maitasuna, miresmena eta esker ona nahi bezain bestetan adierazi gabe. Eta sekretutxo bat ere kontatu zidan:
ikasi duela ama nolabait gertu sentitzen, eta hori ikasi duenetik lasaiago bizi dela!!!!

Eta berak irakatsiko omen digu amarik gabe geratu garen haurroi ama gertu sentitzen; berak irakatsiko omen digu zuei esateko dugun guztia zuenganaino nolabait helarazten. Ai amatxo, ez da zure alboan egotea bezalakoa izango, ez, baina… bada zerbait… Eta laguntza, itxaropen edota Itxaro horri esker, uste dut, ama, uste dut, lortu ahalko dudala berriro ere noizbait irri egitea. Besarkada handi eta goxo bat, ama! Eta nola egin ikasten dudanean, hasiko naiz gure etxeko eta nire bihotzeko kontutxo guztiak zauden lekuraino helarazten.

Ane