Mila esker Maite! Gure proiektu ttiki honetan parte hartzeko jarri duzun interesagatik!

TTiKLik! taldea.

(Irun-Hondarribia, 1971)

maitefranko@hotmail.com
686.686.094

Maite Franko (Irun-Hondarribia, 1971), txipiroi-arrantzale eta lehorreko lamia baten zazpigarren alaba da. Familiaren ohitura zen alaba bakoitzari arrain izen bat egokitzea. Maiteri antxoa deitu izan zioten nahiko heldua izan arte (orduko argazkia duzue web honetan ikusgarri); amatasunarekin batera, balea; gaur egun berriz, izurde-irribarrea duena.

Izurde-irribarrea duen neskarikostatu zitzaion lehen bainu luzea hartzea. Oinak bustitzen hasi zen lehendabizi, antzerkigintza, irakaskuntza, bikoizketa eta literaturaren ur handietan oinak busti ere. Ipuin-kontalaritzaren ozeano barea deskubritzean berriz, PLISTI-PLASTA!!, zeharo murgildu zen. Geroztik ere, 2.004 urtetik, bertan dabil zeharo murgilduta, ordutik hona (2.012 urtea) 1.400 saiotik gora eskainiz. Bertan, ahoz aho nabigatutako ipuinak, argitaratu berriak zein berak sortutakoak jolas, asmakizun, kantu eta dramatizazioekin nahasten dira, barruan umore, misterio, mezu positiboak eta kresala ugari daramatzatelarik.

Izurde-irribarrea duen neskak ume txikiak, koxkorrak, gazteak, helduak, aitona-amonak …, guztientzat badu zer kontatu eta zer kantatu, ixtorio eta mixterio franko, zirrara eta ikara nahiko. Urpean aurkitu ditu bidean galdutako ipuinak; urpean entzun baleen sabeletako antzokietan kontatzen zirenak; urpean jaso ere dortokek egunetan eta egunetan zehar azaldutako epopeia luzeak. 

Izurde-irribarrea duen neskak kontaketa modu anitzak erabiltzea maite du. Hasi hitzaren biluztasunetik eta jarraitu zerbaitek edota norbaitek kentzen diolarik hitzari biluztasunak sortzen dion lotsa (ulertu ez duenak ulertu dezan, panpinez edo umeen parte hartzeaz kontatzea ere gustukoa du, tarteka bada ere.) Gaiak ere anitzak izaten dira saioetan, nahiz eta azkenaldi honetan, eskaera olatuei erantzunez, monografikoak ere barra-barra ari den sortzen.

Monografikoei dagokienez,  Ipuin Proiektuak ere badaramatza zenbait eskolatan gai jakinak lantzeko. Parekidetasuna eta Kulturartekotasuna dira gehien jorratutakoak, horretarako propio sortutako saio bereziak material didaktikoaz lagunduta.

Beraz, badakizu, marinela; badakizu, arrantzale; badakizu, kresalazale: ipuinen ozeano barean zabiltzala antxoa eta balea izandako izurde-irribarreko neska topatzen baduzu, igo ezazu zure itsasontzira, eta, trukean ezagutzen dituen istoriorik ederrenak kontatuko dizkizu. Eta haren hitzak biluztea lortuz gero, agian irribarre hori gainetik kendu ezinda zergatik ote dabilen ere azalduko dizu.

Hainbat errepertorio berri (2012 urtea)

2013:

- Maiatzak 3, Beasaingo Ttiklik elkargunean, animazio lana, ipuinen bat, aurpegi margoketak eta abar egiten aurkituko nauzue.
– Maiatzak 6 Gasteizko Aldabe Gizartetxean “Mundipurdiko ipuinak” kontaketa saioa. Bi saio labur: 17:30etan 3-4koentzat; 18:15etan 5-8koentzat. Izena eman behar da.
- Maiatzak 7 Gasteizko Ibaiondo Gizartetxean “Matulutulu” (Afrikako ipuinak) kontaketa saioa. Bi saio labur: 17:45tan 3-4koentzat; 18:30etan 5-8koentzat. Izena eman behar da.
– Maiatzak 10 Bermeoko Udal Liburutegian 18:00etan 4-8 urtekoei begirako kontaketa saioa.
– Maiatzak 11 (Baieztatu gabe) Erronkarin “Matulutulu” (Afrikako ipuinak) kontaketa saioa.
- Maiatzak 14 Beasaingo Ttiklik elkargunean, “Txokolatezko ipuinak” kontaketa saio gozo-gozoa…
– Maiatzak 15, Gallartako Udal Liburutegian, ipuin kontaketa saioa 4-7 urtekoentzat.
– Maiatzak 16, Oiartzungo Udal Liburutegian, 19.00etan, “Arrosa gehi Urdina, Morea” helduentzako (beno edota 14 urtetik aurrerakoentzako) ipuin kontaketa saioa.
– Maiatzak 21, 10:00etan, Artzentalesko Ikastetxean, “Ixone Isilik” liburuaren inguruko topaketa.
– Maiatzak 23, Leioako Udal Liburutegian 18:00etan eta 18:30etan 3-4 urtekoentzako saioa. Gurasoekin.
– Maiatzak 24, Donostiako St. Patrick´s Ikastetxean Lehen Hezkuntzakoentzako kontaketa saioak.
– Maiatzak 27, Hondarribiko Ikastolan 2-3 urtekoentzako saioak.
– Maiatzak 29, Beasaingo Ttiklik Elkargunean urtebetetze bateko saio pribatua.
– Maiatzak 31, eguerdian, Irungo Eguzkitza Ikastetxean 3-5 urtekoentzako saioak.

Maitek emandakoak:

2012/05/19: Bilatu, bilatu, eta ezetz topatu!

2012/05/29: Ametsak hegal

2012/07/02: Trikua

2012/07/09: Sirenatxoa

2012/11/12: Agian esan eta desira bertan!

2012/11/29: TXIMELETAK — TTiKLiK!en aurreneko urtebetetze egunean jasotako opripuina

2012/12/10: Zakukada bat pazientzia

2012/12/15: Senda, senda, pintzela

2012/12/23: Makarroi boy, gure heroi!

2013/01/21: Hiru txerritxo zikin-txukuntxo

2013/01/22: Bihotzak sabeletik

2013/01/26: Aitarik gabeko printzea

2013/02/26: Amets eta Trakets, erreskaterako prest!!

2013/03/19: Oroitzeko moduko ekain gaueko ametsak

2013/03/25: Hiru erregin t´erdi  eta patata tortila bat

2013/03/30: Tashi delek