garapenapsikologia-pedagogiattk-ikastaroak

Hazia, lehen kimuak sortzen

2014/06/17 TTiKLiK! ELKARGUNEA (Beasain)

ANTZERKI eta ADIMEN EMOZIONAL TAILERRA 2013-2014

2014-2015eko matrikula irekita: + INFO 
 



Haurrak (eta helduok) tipulak bezala, geruza mordoz estalirik ateratzen gara kalera, eta sarri geruza horietan galtzeko joera dugu.

Haurrentzako antzerki ikastaro honen bidez, bizitzarako baliagarriak diren tresnak jasoko dituzte haurrek (jende aurrean hitz egiten ikastea, ahoskerak, modulazioa, jarrera, mugimenduak…) eta aldi berean, jolas eta ariketen bitartez euren sentimenduak aterarazi eta geruza horietariko gogorrenak hausten lagunduko diegu (adimen emozionala, sentimenduak… landuko baitugu).

Zergatik antzerkia?

Antzerki eskolek haurraren osotasuna lantzen dutelako: gorputzen kontrola izaten ikasiko dute, ahotsarena, egoera zailena, harremanak sendotzen, nahi ez duguna pertsonaia fikziozkoen bidez urruntzen, pertsonaia eta txontxongiloen bidez barruan dauden mamuak ateratzen, ulertzen eta behar denean, menperatzen.

Nola?

Guztia jolas eta ariketa dibertigarrien bidez egingo dugu. Haurren erritmoa eta beharretara egokituko da saio bakoitza.

Bi irakaslek gidatuko ditugu saioak txandaka: Nahia Alkorta Elezgaraik bizitzarako baliagarriak diren antzerki teknikak landuko ditu eta Aintzane Irizar Arandiak haurren adimen emozionala (segurtasuna, autoestimua…) landuko ditu.

Urte amaieran, egindako lana gurasoen aurrean erakutsiko dugu (edo akaso ez, haurrek nahi ez badute).

Guztia, EUSKARAZ landuko dugu. (Euskara ikasten edo erdi purdi dabiltzan haurrek asko ikas dezakete hemen, jolasean).

Pirata, astronauta, txoria edo tximeleta bihurtu nahi?

Related Articles

Leave a Reply

This site uses Akismet to reduce spam. Learn how your comment data is processed.

Back to top button